Орос Алс Дорноддоо анхаарал тавьж байна
2018-09-12 11:35:36 Эх сурвалж: ХОУР
Анхаарлаа хандуулна уу
微博
Qzone

Дорно дахины эдийн засгийн IV форум энэ сарын 11-ээс ОХУ-ын Владивосток хотноо болж байна. БНХАУ-ын дарга Ши Жиньпин, ЗХА-ийн олон орны төр засгийн тэргүүн, 60 гаруй улс орны төлөөлөгчид хуралд оролцож, хурлын зиндаа, цар хүрээний хувьд шинэ түвшинд хүрчээ. 

Дорно дахины эдийн засгийн форумыг ОХУ-ын ерөнхийлөгч В.Путин 2015 онд санаачилж хийсэн бөгөөд Орос ба Америк, Европын харилцаа муудсан үед Дорно дахинд анхаарал хандуулсан шийдвэрийн нэг юм. Оросын Дорно зүгт хандсан энэ бодлогыг өрнийнхөн эдийн засгийн хоригийн дарамтаас болж гаргасан түр зуурын бодлого гэж үзсэн бөгөөд өрнийн зарим хэвлэл энэ бодлогыг “Орос үүнээс өөрийнхөө ирээдүйг харж чадах уу” гэж ёжилж байлаа. Гэвч сүүлийн хэдэн жилийн Оросын дорно дахинд хандсан бодлого түргэсэхийн хэрээр Дорно зүгт харах бодлогод Оросын урт хугацааны үндэсний стратегийн онцлог харагдах боллоо.

ОХУ дорно зүгт хандсанаар, Хятад, Оросын хамтын ажиллагаанаас маш их ашиг гарахыг олж мэджээ. Оросын худалдааны хамгийн том түнш орны хувьд, 2015 оны Дорнын эдийн засгийн анхны форумаас эхэлж, Хятад улс жил бүр олон тооны дээд хэмжээний төлөөлөгч томилон оролцуулсан юм. Энэ удаад Ши Жиньпин дарга тус форумд оролцсон нь Хятадын төрийн тэргүүний Алс Дорно Дахины эдийн засгийн форумын талаарх анхны үнэлгээ боллоо. Энэ нь Хятадын тал Алс Дорнодын хамтын ажиллагаанд оролцоход бэлэн байгаа идэвхтэй байр суурийн илэрхийлэл юм.

ОХУ дорно зүгт харснаар, ЗХА-ийн бүсийн хамтын ажиллагааны шинэ орон зайг олж мэджээ. Дорно дахины эдийн засгийн форумыг гурван удаа амжилттай зохион байгуулснаар, ЗХА-ийн бүсэд идэвхтэй нөлөө үзүүлж, ноднингийн форумаар нийт 2.5 их наяд рублийн гэрээ байгуулсан бол энэ онд 3.5 их наяд юаньд хүрэх төвөлтэй байна.

ОХУ дорно зүгт хандсанаар, Ази Номхон далайн эдийн засгийн хурдтай хөгжилд илүү их боломж нээх нь тодорхой боллоо. Алс Дорнод байгалийн асар их баялагтай учраас "дэлхийн цорын ганц эрдэнэсийн сан" гэгддэг. Харин эдийн засгийн өсөлт удааширсан, дэд бүтэц хоцронгуй, хүн амын шилжилт ноцтой байгаа зэрэг асуудлаас болж, энэ "эрдэнэсийн сан" өнөөг хүртэл стратегийн ач холбогдол, эдийн засгийн үнэ өртгөө гүйцэд гаргаж чадаагүй юм. Зүүн, баруун нутгийг тэнцвэртэй хөгжүүлэх стратегийн дагуу сүүлийн жилүүдэд ОХУ Алс Донодыг нээн хөгжүүлэх ажлыг эрчимжүүлж, үндэсний стратегийн өндөрлөгт хүргэсэн байна.

Орос “Дорно дахинд хандаж” байгаа нь Өрнөдийн орнууд ОХУ-д хориг тавьсанд бус, Өрнөдийн орнуудтай харилцаа муудсан явдал нь Оросын Дорно дахинд хандах үйл явцыг түргэтгэсэн юм. Гэлээ ч гэсэн Европ тив Оросын худалдааны чухал түнш хэвээр байна.

Бэлтгэсэн нь:С Уяхан

010070230010000000000000011120701123417724