Монгол Улсад хандивласан хоёрдох ээлжийн тусламжийн эд бодис хилээр нэвтэрчээ
2020-04-27 09:42:54 Эх сурвалж: ХОУР
Анхаарлаа хандуулна уу
微博
Qzone

Энэ сарын 25-нд, БНХАУ-ын Өвөр Монголоос Монгол Улсын Улаанбаатар хотод тусалсан тахлаас сэргийлэх хоёрдох элжийн эд бодисыг Эрээн хотын авто боомтоор шуурхай шалган нэвтрүүлжээ. Эрээн хотын хилийн хяналт шалгалтын газар ногоон гарц ажиллуулж, аравхан минутад холбогдох бичиг баримтыг бүрдүүлэн хилээр нэвтрүүлсэн байна.

“Дуслыг далайгаар” гэдэгчлэн, Хятад улсад тахлын байдал хүнд хэцүү байх үед Монгол Улсын төр засаг, төрийн бус байгууллага, аж ахуйн нэгж, иргэд, олон нийт Хятад улсад халуун гараа сунган, туслалцаа дэмжлэг үзүүлснийг Хятадын ард түмэн хэзээ ч мартахгүй юм. Одоо Монгол Улсад “Ковид-19”-ийн халдвар авсан 37 тохиолдол бүртгэгдээд байгаа бөгөөд тахлын эсрэг зангилаа үе шатанд байхад хариу туслалцаа үзүүлж байна.

4-р сарын 4-нд Өвөр Монголын өөртөө засах орон Монгол Улсад 1000 ширхэг хамгаалалтын хувцас, 105 мянган эмчилгээний зориулалттай амны хаалт, 500 литр спирт, ариутгалын бодис зэрэг эхний ээлжийн хамгаалалтын бодис хандивласан бол энэ удаа түргэн тусламжийн машин, амьсгалын аппарат, хяналтын аппарат, N95 амны хаалт зэрэг 2.26 сая юанийн тусламжийн эд бодис хандивлаж байна.

Бэлтгэсэн нь:Д Хүүхэнсоль

010070230040000000000000011100001125910550